Transformoni buzeqeshjen tuaj

1) Si mund të rezervoj një vizitë?
Mund të rezervoni me telefon/WhatsApp ose përmes formularit të kontaktit në website. Pas rezervimit, ju konfirmojmë orarin dhe udhëzimet për vizitën.

2) Çfarë përfshin konsultimi i parë?
Konsulta përfshin vlerësimin e gjendjes orale, diskutimin e shqetësimit tuaj dhe hartimin e një plani trajtimi. Nëse nevojitet, rekomandohen ekzaminime shtesë për planifikim më të saktë.

3) Sa zgjat një vizitë?
Varet nga shërbimi. Konsulta zakonisht zgjat 20–40 minuta, ndërsa trajtimet kanë kohë të ndryshme sipas rastit.

4) A mund të marr një preventiv/kosto para se të filloj trajtimin?
Po. Pas vlerësimit, ju paraqitet plani i trajtimit dhe opsionet përkatëse, së bashku me kostot dhe hapat e rekomanduar.

1) Sa shpesh duhet të bëj kontroll dhe pastrim profesional?
Zakonisht rekomandohet çdo 6 muaj, por te pacientët me mishra të ndjeshëm ose problematika periodontale mund të rekomandohet më shpesh.

2) Pse më gjakosin mishrat kur laj dhëmbët?
Gjakosja shpesh tregon inflamacion (gingivit) nga pllaka bakteriale. Me pastrim profesional dhe higjienë të rregullt, zakonisht përmirësohet. Nëse vazhdon, kërkohet kontroll periodontal.

3) Era e keqe e gojës nga çfarë vjen?
Shkaqet mund të jenë pllaka/gurëzat, inflamacioni i mishrave, kariesi, higjiena jo e plotë ose faktorë të tjerë. Një kontroll ndihmon të gjendet shkaku dhe zgjidhja.

1) Çfarë janë veneers (fasetat)?
Janë fletëza shumë të holla estetike që vendosen në pjesën e përparme të dhëmbëve për të përmirësuar ngjyrën, formën dhe simetrinë.

2) A duken veneers natyrale?
Po, kur planifikohen dhe realizohen saktë. Qëllimi është rezultat natyral që i përshtatet fytyrës dhe buzëqeshjes suaj.

3) A prishen dhëmbët për të vendosur veneers?
Në shumë raste, përgatitja është minimale. Kjo varet nga pozicioni i dhëmbëve, forma dhe rezultati i dëshiruar.

4) Sa zgjasin veneers?
Jetëgjatësia varet nga materiali, kujdesi dhe zakonet (p.sh. shtrëngimi i dhëmbëve). Me higjienë të mirë dhe kontrolle periodike, mund të zgjasin shumë vite.

5) A mund të bëj vetëm zbardhim (whitening) pa veneers?
Po, nëse ngjyra dhe struktura e dhëmbëve e lejon. Në konsultë përcaktohet alternativa më e mirë për ju.

1) Çfarë është Invisalign?
Janë aligners transparent (mbajtëse të tejdukshme) që rreshtojnë dhëmbët gradualisht.

2) A është Invisalign më i mirë se aparati fiks?
Varet nga rasti. Invisalign është shumë i përshtatshëm për shumë pacientë, por disa raste kërkojnë aparat fiks. Zgjedhja bëhet pas vlerësimit.

3) Sa orë në ditë duhet të mbahen aligners?
Për rezultat optimal, zakonisht duhen mbajtur shumicën e ditës dhe natës, duke i hequr vetëm për ushqim dhe higjienë (sipas udhëzimeve të planit).

4) A dhemb trajtimi ortodontik?
Mund të ketë presion të lehtë në ditët e para pas vendosjes ose ndërrimit, por zakonisht kalon shpejt.

5) A do më ndryshojë të folurit?
Tek disa pacientë mund të ketë përshtatje të lehtë ditët e para, por zakonisht normalizohet shpejt.

1) Çfarë është periodontiti?
Është një sëmundje e mishrave dhe kockës që mban dhëmbët. Nëse nuk trajtohet, mund të çojë në lëvizje dhe humbje të dhëmbëve.

2) A mund të shërohet periodontiti?
Menaxhohet shumë mirë me trajtim profesional dhe mirëmbajtje periodike. Sa më herët të kapet, aq më i mirë është rezultati.

3) A është e domosdoshme mirëmbajtja pas trajtimit të mishrave?
Po. Mirëmbajtja periodike është çelësi për stabilitet afatgjatë.

1) Çfarë janë implantet dentare?
Implantet janë “rrënjë” artificiale biokompatibël që vendosen në kockë për të zëvendësuar dhëmbët e munguar dhe për të mbajtur kurora/ura.

2) A është e dhimbshme vendosja e implantit?
Trajtimi bëhet me anestezi lokale. Pas procedurës mund të ketë parehati të lehtë, e cila menaxhohet me udhëzime të qarta.

3) Sa kohë zgjat trajtimi me implante?
Varet nga rasti dhe gjendja e kockës. Shpesh kërkohet një periudhë shërimi për integrimin e implantit para vendosjes së kurorës finale.

4) Çfarë është sinus lift / graft kocke?
Janë procedura që ndihmojnë kur mungon volum i mjaftueshëm kocke për implantin. Rekomandohen vetëm kur janë të nevojshme.

1) Kur më duhet një kurorë (crown)?
Kur dhëmbi është i dobësuar, i thyer, ka mbushje të madhe ose pas trajtimit të kanalit – për ta forcuar dhe mbrojtur.

2) Cila është diferenca: urë apo implant?
Ura mbështetet në dhëmbët fqinj; implanti zëvendëson “rrënjën” dhe qëndron i pavarur. Zgjedhja varet nga rasti, kocka dhe objektivi.

3) A mësohem me protezën?
Po, zakonisht kërkon pak kohë. Bëhen rregullime pasuese për komoditet maksimal.

1) Çfarë të bëj nëse kam dhimbje të forta?
Na kontakto sa më shpejt. Dhimbja e fortë mund të tregojë infeksion ose problem të dhëmbit që kërkon trajtim të menjëhershëm.

2) A trajtoni raste urgjente?
Po, kur është e mundur. Na kontakto për të gjetur orarin më të afërt.

1) A janë trajtimet të sigurta?
Po. Ndiqen protokolle të rrepta higjiene/sterilizimi dhe trajtimet planifikohen sipas gjendjes së pacientit.

2) Çfarë duhet të bëj pas një trajtimi?
Do të merrni udhëzime të qarta pas procedurës (ushqyerja, higjiena, medikamentet nëse duhen) dhe kontrollin pasues.